市場充斥正面訊息 不少買家趁週末四出睇樓比較 中原十大屋苑預約睇樓量微升1.3%錄459組

市場充斥正面訊息 不少買家趁週末四出睇樓比較
中原十大屋苑預約睇樓量微升1.3%錄459組

中原地產十大屋苑本周末錄得459組預約睇樓量，按周回升1.3%，連續6周企穩400組以上水平。近期市場正面消息多，入市氣氛向好，帶動買家趁週末四出睇樓比較，但由於不少平盤已被消化，交投開始步入膠著狀態，料短期內二手交投平穩發展，聯儲局最新一次議息按兵不動，但市場預期美國年內仍有機會減息2次，料對物業市場帶來正面影響，有機會刺激買家加快入市。

港島區方面，黃竹坑站新盤熱賣，並於今日進行次輪銷售，搶去市場大部份目光，但由於主要客群不同，因此太古城二手交投未受太大影響，本月暫錄14宗成交，平均實用呎價13620元。屋苑週末錄26組睇樓預約，按週減少3.7%，每呎實用叫價約17800元。

拆息持續回落，供樓負擔減少，入市氣氛活躍，康怡花園本月暫錄10宗成交，平均實用呎價12,448元。交投活躍，連帶睇樓氣氛積極，本週末康怡花園睇樓預約錄30組，實用叫價13200元，與上週相同。

九龍區方面，麗港城本月至今暫錄7宗成交，比上月同期12宗明顯放慢，最新平均實用呎價徘徊於10699元。自上月起銀行拆息持續回落，供樓負擔大幅減輕，吸引買家爭相入市。踏入本月，平盤已被消化，交投再次放慢，睇樓氣氛亦見回落。麗港城本周末預約睇樓量錄65組，按周下跌7.1%，料交投平平。

黃埔花園本月至今暫錄15宗成交，比上月同期13宗略為加快，最新平均實用呎價微升至12804元。美國聯儲局連續第四次按兵不動，未有減息，一如市場預期，對樓市影響不大，全因市場焦點集中於拆息回落，供樓成本下降，買家遇上合價心水戶仍會加快入市。黃埔花園本周末預約睇樓量維持30組。

新界區方面，各項利好消息刺激下，近期大市氣氛向好，二手交投明顯加快，沙田第一城本月暫錄約18宗成交，對比上月同期升約1.2倍，屋苑本週末睇樓量維持約40組水平，隨著租賃旺季來臨，睇樓氣氛活躍，帶動整體交投氣氛。

拆息回落及市場氣氛帶動，加上新盤市場最近以中高價物業供應為主，不少上車及換樓客等剛需購買力回流二手市場，令細價樓成交尤其活躍。嘉湖山莊本月至今已錄得26宗買賣成交，平均實用呎價亦重上8000元水平。近日天氣回穩，鼓勵市民出動睇樓尋寶，嘉湖山莊本周末預約睇樓量錄約100組，按周升11.1%，每呎實用叫價約9000元，按周亦升1.1%，預計市況會繼續造好。